Diario de Noticias de Navarra. Noticias de última hora locales, nacionales, e internacionales.

Períodico de Diario de Noticias de Navarra

Herramientas de Contenido

Inicio
- Ocio y cultura
  - Cultura

Gurrutxaga neba-arrebek irabazi dute 2009ko Etxepare Literatura Saria

lana adiskidetasunaren garrantziaz mintzo da

Amezketako ilustratzaileak eta idazleak sortutako albuma hiru hizkuntzatan argitaratuko da udazkenean

arkaitz a. muro - Sábado, 6 de Marzo de 2010 - Actualizado a las 08:42h.

votos

comentarios

compartir (¿qué es esto?)

Sariak Euska Herriko literaturaren munduko sorkuntza bultzatzea du xede.

Vista:

Galería Noticia

artika. Etxepare Literatura Sariak atzo eman zituen ezagutzera 2009ko lehiaketako irabazleen izenak: Maite eta Mikel Gurrutxaga Otamendi neba-arrebak. Era honetan, Alex nire munstro-lagun on-ona albumaren egileek udazkena aldera -Durangoko azoka baino lehen- beren lana liburu-dendetan ikusteko parada izanen dute, Pamiela argitaletxe nafarraren zigilupean.

Sariaren azken edizioko txapela jantzi duen albuma adiskidetasunaren garrantziaz mintzo da, soinean jantziak dituen letretan eta ilustrazioetan. Aitziber Alonso irudigileak eta lehiaketako epaimahaiko kideak nabarmendu zuenez, lanak "oso kalitate oneko irudiak biltzen ditu". Izan ere, konposaketaren aldetik egindako lana eta prespektiba lantzeko erabili den moduak "asko aberasten du kontakizuna". Mikel Gurrutxagaren lumatik jaio diren hitzak Maite Gurrutxagak egindako irudiek sortzen duten doinu poetikoen erritmoan egiten dute dantza.

"Elkar ondo ulertzen dugu, niri oso gustatzen zait Mikelek lan egiteko duen modua; ondo moldatu ginen hasieratik", adierazi zuen Maite Gurrutxagak. "Gure izaerari leial izan gara eta horri esker hau guztia lortu ahal izan dugu", gehitu zuen.

2009ko Etxepare Sariko garaileek 6.000 euroko saria izan dute, beren ibilbidearekin aurrera egin dezaten -sariak Esther Lakastak, Nafarroako iparraldeko Euskara Mankomunitateko lehendakariak, eta Euskarabideko zuzendari Xabier Azanzak banatu zituzten-. Baina saria ez da bakarrik laguntza ekonomikora mugatuko, izan ere, urria aldera, lana Euskal Herriko kulturgintzara eginen du salto Pamiela Argitaletxearen eskutik. Gainera, Pello Elzaburu Pamielako arduradunak adierazi zuenez, Kalandraka argitaletxearekin batera elkarlanean, hiru hizkuntzatan argitaratuko da Gurrutxaga neba-arreben lana: gutxi gorabehera, 1.000-1.500 ale inguru jatorrizko hizkuntzan, euskaran, 3.000 ale gaztelaniaz eta 1.000 ale galegoz.

2010eko saria, prest Iazko lehiaketaren irabazleak atzo jakin zirenean, martxan ipini zen aurtengo txapelketako edizioa. Era honetan, Mikel eta Maite Gurrutxagaren antzera lehiaketan parte hartu nahi dutenek, lanak aurkezteko epea azaroaren 30a bitarte izanen dute. Horiek horrela, 2010eko deialdian parte hartzeko, Leitzako Udaleko Euskara Zerbitzura (Elbarren kalea, 1- 31880 Leitza) bidali behar dira sortutako albumak.

Etxepare Sarian lehiatu ahal izateko, gutxieneko baldintza batzuk bete behar dira. Batetik, haurrei zuzenduriko lan ilustratuak aurkeztea, istorio bat kontatzen duten albumak. Horretarako hauek ez dira 20cm bider 21cm baino txikiagoak izanen, eta 15 orrialde bikoi-tzez sortuak izan behar dira. Bestetik, parte hartzen duten egileek obra osoaren sei ale aurkeztu beharko dituzte.

Etxeko ekoizpenaren alde Dagoeneko sei urte igaro dira, Euskal Herriko literaturaren alde lan egiten dutenei bultzada bat ematea helburu duen sariak argia ikusi zuenetik. Berriozarko alkate Xabier Lasak nabarmendu zuenez, "Nafarroako hainbat toki entitatek, haien Euskara Zerbitzuen bitartez, herrialdean literatura sari esanguratsu baten hutsunea zegoela ikusirik, 2004an sortu zituzten Etxepare Literatura Sariak" Urte horretan haur, gazte eta helduentzako literatura saritu zen.

2006an, berriz, Etxepare beka izenarekin jantzi zen eta hiru urte beranduago, 2009an, saria izenarekin hartu zuen. Atzoko irabazleekin batera, osotara sei izan dira literatura lehiaketa honek bere historia laburrean banatu dituen sariak.

votos

comentarios

compartir (¿qué es esto?)

Herramientas de Contenido

Cargando comentarios...

Gracias por su comentario

Haz tu comentario

Condiciones de uso

No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
El usuario es único responsable de sus comentarios.
Diario de Noticias se reserva el derecho a eliminarlos.

Escribe tu comentario ComentariosNúmero de caracteres (500/500)