Saltar al Contenido

Períodico de Diario de Noticias de Navarra Grupo Noticias

Herramientas de Contenido

vecinos | bortziriak

Euskara Mankomunitatearen Eguna urriaren 31n ospatuko da hainbat ekitaldirekin

ERAKUNDEAK AURTEN 20 URTE BETE DITUELA GOGORATU NAHI DA

Mankomunitatearen irudia osatu nahi da eta horretarako 350 lagunek parte hartu behar dute

aitor arotzena - Jueves, 23 de Septiembre de 2010 - Actualizado a las 04:13h.

votos comentarios

compartir (¿qué es esto?)

  • Mail
  • Facebook
  • Delicious
  • Twitter
  • Meneame
  • Digg
  • Technorati
Bortz herrietako euskara batzordekideak, atzoko agerraldian.

Bortz herrietako euskara batzordekideak, atzoko agerraldian.

Vista:

Galería Noticia

bera. Bortzirietako Euskara Mankomunitateak 20 urte bete ditu eta urteurrena ospatzeko, Mankomunitatearen Eguna antolatuko du urriaren 31n Beran, atzo prentsaurrekoan jakinarazitakoaren arabera. Mentxu Peña Arantzako batzordekideak mankomunitatearen 20 urteko ibilbidea laburtu zuen.

Ofizialki 1990eko maiatzaren 18an sortu zen, egun horretan onartu baitziren estatutuak, eta batzordeak sortu. Halere, aitzineko urteetan egindako lana ezinbertzekoa izan zen mankomunitatea sortzeko: "Euskararen aldeko giroa eta gogoa indartzen ari zen -aipatu zuen Peñak-: euskarazko irakaskuntza, helduen euskalduntze eta alfabetatzea, Ttipi-ttapa hiru-hilabetekaria... Testuinguru horretan hasi ziren biltzen Bortzirietako hainbat euskaltzale, euskararen aldeko lana eginen zuen tresna eta baliabideak eskainiko zituen azpiegitura bat sortzeko asmoarekin". Bizpahiru urteko gogoetaren ondotik, eta udalekin elkarlanean, Mankomunitatea sortu zuten. Geroztik, arlo guztietan eragin nahi izan du:, helburu baitu arlo guzietan euskarari sarbide ematea eta gure hizkuntzaren egoera normalizatzea. Datuek erakusten dutenez, "euskarak aitzinera pausoak eman ditu 20 urteotan. Mankomunitateak argi erakutsi du Bortzirietan euskara normalizatzeko tresna egokia eta baliagarria dela". Halere, euskarak Bortzirietan bide luze du egiteke, eta horretan lanean behar bezala aritzeko mankomunitateak ongi hornitua egon behar du, Peñaren erranetan. "Besta egun honek, egindako bidea eta lana ospatzeaz gainera, oraindik egiteke dagoen guztia gogorarazi nahi du, eta hori behar bezala egiteko mankomunitate indartsu bat aldarrikatu".

Mankomunitatearen Eguna Gero, urriaren 31n Beran ospatuko den Mankomunitatearen Egunaren berri eman zuen. Azken hilabeteotan euskara batzordeak buru-belarri dabiltza egun hori antolatzen, egun osoko besta arrakastatsua eta parte-hartzailea izan dadin. Behin betiko egitaraua zehazteko badago ere, lehen hitzordua 11.00etan izanen da, Mukixuko zubian. Hortik Matzadara abiatu eta bertan eginen dute irudiaren ekitaldia. "Futbol zelaian mankomunitatearen eta batzordeen logotipoa jendez beteko dugu, eta 350 lagun bildu nahi ditugu horretarako. Airetik jendez betetako logotipo horren irudiak hartuko dituzte". Ondotik, martxa jendetsua eginen da Matzadatik Altzatera, Bortzirietako hainbat talderen partehartzearekin. 13:00etan Altzateko plazan mankomunitatearen aldeko adierazpena irakurriko da. Gero herri-bazkaria izanen da Altzateko frontoian. Arratsaldean haurrentzako tailerrak, helduentzako jokoak eta zozketak, musika eta berbena izanen dira. "Egun pasa egiteko parada ederra eskaini, eta bereziki animatu nahi ditugu gazteak, familiak eta euskaltzale den oro besta honetan parte hartzera" erran zuen Peñak, eguna iragarriko duen kartela erakutsiz.

votos comentarios

compartir (¿qué es esto?)

  • Mail
  • Facebook
  • Delicious
  • Twitter
  • Meneame
  • Digg
  • Technorati

Herramientas de Contenido

Publicidad

Cargando comentarios...

Gracias por su comentario

Haz tu comentario

Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es único responsable de sus comentarios.
  • Diario de Noticias se reserva el derecho a eliminarlos. 
Escribe tu comentario Número de caracteres (500/500)

Usuario registrado ¿Olvidaste tu contraseña?

Publicidad

Publicidad

Más sobre Bortziriak

ir a Bortziriak »

Publicidad

Últimas Noticias Multimedia

Publicidad

  • Altzutzate 8, Polígono Industrial Areta, Huarte-Pamplona
  • Tel 948 33 25 33 Fax 948 33 25 18