Astigarragak bihar emango die ongietorria santioei

2017(e)ko uztailaren 21a, ostirala - 11:43etan eguneratua

ASTIGARRAGA – Bihar 12.00etan Astigarragako Foru Enparantzan Santio jaiak hasiko dira. Galtzaur elkarteak 25 urte betetzen dituenez pregoia irakurriko du eta alkate txikiekin batera txupina botako dute udaletxeko balkoitik. Ondoren, erraldoi eta buruhandiak Irrintzi konpartsakoekin eta Txirrisklako txistulariekin kalejiran aterako dira. Igandean Oinkari eta Hika taldeek Sagartu ikuskizun berria eskainiko dute eta gauean La Basuren kontzertua egongo da. Asteartean 12.30ean udalbatzaren Soka dantza egongo da. Festak asteazkenera arte iraungo dute eta egun horretan goizean sagardo dastaketa eta baserriko tresnen erakusketa egongo da Foru plazan. Egitarau osoa www.astigarraga.eus webgunean ikus daiteke. – A.M. 

Últimas Noticias Multimedia