Noticias de NavarraDiario de Noticias de Navarra. Noticias de última hora locales, nacionales, e internacionales.

Saltar al Contenido

NUP-en "Zientzia tabernan" zabalkunde saileko bideo berriak hareazko erlojuak nola funtzionatzen duen azaltzen du

Javier Armentia eta Joaquín Sevilla fisikariek aztertu dute harea poliki-poliki erortzen joan eta hareazko partikula-pila bat nola eratzen den

NUP - Lunes, 28 de Agosto de 2017 - Actualizado a las 21:12h

Nola funtzionatzen du hareazko erloju batek?” Hori da “Zientzia tabernan” saileko bideo berriaren izenburua, izen bereko webgunean argitaratu berri dena. Joaquín Sevilla Moróderrek, Nafarroako Unibertsitate Publikoko (NUP) Ezagutzaren zabalkundearen arduradunak, eta Javier Armentia Fructuosok, Iruñeko Planetarioaren koordinatzaileak, hareazko pila koniko bat nola eratzen den azaldu dute (kritikoki autoantolatua, fisikaren terminoetan), harea, partikulen moduan, poliki-poliki erortzen joaten denean. Hala erantzuten diete Unibertsitateko Esperientziaren Gelako ikasleek egiten dituzten galderei. Esperientziaren Gelak prestakuntza eskaintzen die 50 urte baino gehiago dituztenei, Giza eta Gizarte Zientzietan.

Ziklo honetako ikus-entzunezko piezen ezaugarri komuna da taberna batean egiten direla, kasu honetan NUPeko Arrosadiko campuseko jantokien eraikineko kafetegian. Beren azalpenetan, adituek taberna batean arruntak diren materialak eta elementuak erabiltzen dituzte, esaterako, katiluak, platerak, kopak edo kafeontziak, haiek “tabernako esperimentuak” izendatzen dituztenak egiteko. Bideoak www.cienciaenelbar.com webgunean eta YouTubeko http://www.youtube.com/user/cienciaenelbar kanalean ikusten ahal dira.

NUPek abian jarri duen ekimen hau Zientziarako eta Teknologiarako Espainiako Fundazioak (FECYT) – Ekonomia eta Lehiakortasun Ministerioak finantzatu du, eta haren xede nagusia eduki zientifiko eta teknologikoak jende guztiarentzat zabaltzea da, hizkera erraz eta ulergarrian. 2014tik gaur arte argitaratu diren 34 bideoek 330.000 bisita eduki dituzte guztira.

Nafarroako Unibertsitate Publikoko Kultura Zientifikoaren Unitateak (KZU) bultzatzen du proiektua, eta Iruñeko Planetarioak laguntzen du. Abiapuntutzat hartzen du Zientziaren Lagunen Klubak 2013an martxan jarri zituen “Zientziaren ostegunak” (gaur egun, “Zientzia tabernan”), gai zientifikoak lasai eta lagunarteko giroan jende guztiarengana hurbiltzeko xedez sortu zen ekimena.

Herramientas de Contenido