Trafikoan eragina izango du biharko Txingudi Korrikak

Kale mozketak izango dira 16.00ak eta 17.15ak artean Irunen eta 16.30ak eta 18.15ak artean, Hondarribian

2017(e)ko irailaren 29a, ostirala - 06:11etan eguneratua

irun- Bihar arratsaldean Hendaia, Irun eta Hondarribia batuko dituen XIX. Txingudi Korrikak eskualdeko trafikoan eta garraio publikoan eragina izango du, puntu eta ordutegi desberdinetan.

Alde batetik, Irungo Udalak, Hondarribia kalea, Colon pasealekua eta Gipuzkoa eta Nafarroako etorbideetako sarrerak 16.00ak eta 17.15ak artean itxita egongo direla iragarri du. Itxiera hau dela eta, aldizkako zentzuan izango duen erraila martxan jarriko da Txanaletatik Iparralde etorbideraino, Irunbus zerbitzuaren L1 eta L2 lineetan eragina izango duena.

Irundik Hondarribiruntz doazen bidaiariek, Luis Marianoko espaloian hartu beharko dute autobusa eta Topoaren geltokiko geldiunea pareko espaloira pasako da, Colón ibilbideko 43ra (Aguirre gozotegira).

Bestetik, Hondarribian, Irundik datozenek ospitaleruntz jo beharko dute hirira sartzeko eta handik Amutera eta gero Kostara, Santa Engraziko biribilgunean Donostia kaleruntz jo edo mendebaldeko saihesbidea hartzeko.

Gainera, Bidasoa kaletik Bentako aparkalekura sartzea ezinezkoa izango da 16.30ak eta 18.15ak artean, eta Bentatik ateratzeko, Bernat Etxepare kalea hartu beharko da.

Ordutegi berean, Matxin de Ar-tzu eta Zuloaga kalean aparkatutako ibilgailuek ezingo dute bertatik atera eta Zuloaga kalean dauden ibilgailuei pixkanaka ateratzea erraztuko die Udaltzaingoak. - X.S.