ZUBIETA.Lehen ere ikusiak ditugu zenbait herrietako baserrietako bideak hiri handietako metroko mapa itxura hartzen duten planoetan bilduak. Bada, orain, Zubietan ere gisa horretako mapa batean bildu dituzte baserri eta bizi-bordak eta datorren urte hasieran jarriko dute panela herri-sarreran. Bi orrikoak ere eginen dituzte, aitzineko aldean planoak eta koordenadak dituela eta gibelean, baserrien argazkak eta QR-ak. Argazkia: Pablo Feo