Ikasturteko azkeneko ipuin kontaketa izango da ostegunean

2018(e)ko ekainaren 12a, asteartea - 10:20etan eguneratua

 OIARTZUN – Ikasturte honetako azkeneko ipuin kontaketa saioa izango da datorren ostegunean. Beti bezala, Manuel Lekuona liburutegian izango da saioa, 17.30ean. Oraingo honetan, lau urtez goitiko haurrentzako ipuinak kontatuko ditu Lur Kortak. Ohi bezala, ordutegia eta haurren adin-tartea errespetatzeko eskatu dute antolatzaileek. Kasu honetan, gurasorik gabeko saioa izango da. – A.M.