bera - Goldatz Berako Emakume Talde Feministak 2020 urteko lehen erdirako agenda aurkeztu du. Lehen ekitaldia gaur izanen da. Jule Goikoetxea Mentxaka filosofo politikoak Biolentzia sinbolikoa tailer praktiko-teorikoa eskainiko du 16.00etatik 19.00etara Beralandetan.
Otsailaren 15ean, Pensamiento monógamo, terror poliamoroso, Brigitte Vasalloren liburuaz solasaldia izanen dute. Martxoaren 22an, Vaiven konpainiak Erlauntza antzezlana eskainiko du. Apirilaren 4an, Ekonomia feminista solasaldia eskainiko du Enara Iruretagoienak. Maiatzaren 30ean, Transexualitatea adingabeetan solasaldia eskainiko du Naizen elkarteak. Ekainaren 6an, Prostituzioa izanen dute hizpide Amelia Tiganusek eta Munduko Medikuak erakundeak. Ekainaren 30ean, azkenik, Sugarren mendea: Sorgin ehiza Nafarroan 1525-1614 eta ondorioak izanen dute hizpide Helena Xuriok eta Asisko Urmenetak. - A.A.A.
