Haurraren Eguna ospatuko dute igandean

LESAKA - Irain eskola eta Tantirumairu ikastolako guraso elkarteek Haurraren Eguna antolatu dute, Udalaren laguntzaz. Igande goizean, 11.00etatik 13.00etara haur-ludoteka, puzgarriak, zezen mekanikoa eta aurpegien margoketa izanen dituzte Harriondoa atarian. Arratsaldez, 16.30ean berendua eta 17.00etan Potxin eta Patxin pailazoen emanaldia izanen dituzte Plaza Zaharrean. Eguraldi euritsua eginen balu, jarduera guztiak frontoian eginen lirateke. - A.A.A.