Berako XIII. Txirrindularitza Saria igandean

BERA - Igande goizeko 11etan hasita, Gure Txokoak antolatutako Berako XIII. Saria jokatuko da, kadete mailako txirrindulariei zuzendua. 42 kilometro eginen dituzte, hamar itzuli eginez 4,2 kilometroko zirkuituari. Euskalduna parean izanen da irteera eta helmuga eta zeharbidean barna Zalainera joanen dira, Alkaiaga poligonoa eta auzoan barna Geltoki karrikaraino eta Agerrako biribilgunetik berriz ere Euskaldunara sartuko dira. - A.A.A.