- Ikastolako ikasle ohien erakusketa antolatu dute Labiaga eta Tantirumairu ikastolek elkarlanean. Maddi Irazoki, Unai Ruiz, Jone Taberna, Irantzu Pastor, Kemen Pumar eta Andrea Gouraud artisten lanak izanen dira ikusgai.
Larunbat honetan abiatuko da erakusketa Lesakako Komentuan, eta uztaileko asteburuetan irekiko da, 16:00etatik 20:00etara. Abuztuaren 7tik aitzinera, Berako Ikastolako Areto Nagusian segituko du erakusketak, ordutegi berean, abuztuko asteburuetan.
