Sagardo Eguna gaur Leitzako plazan hogei ekoizlekin

leitza - Bederatzigarren urtez, gaur ospatuko da Leitzan Sagardo Eguna, Kultur Aroaren baitan. 19.00etatik aurrera hainbat sagardo dastatzeko aukera izanen dute herriko plazara bertaratzen direnek. Gipuzkoa eta Nafarroan ekoiztutako sagardoak izanen dira, hogei sagardotegi desberdinetatik ekarritakoak. Herriko hainbat lagun ariko dira sagardoak zerbitzatzen eta sagardogile batzuk ere bertan izanen dira. Jatekoa ere ez da faltako, herriko tabernariek prestatutako pintxoak eskainiko dituzte eta. - N.M.