Xauliren aldeko Azoka Solidarioa Baztan Ikastolan
6. mailako ikasleek antolatu dute, elkartearendako dirua biltzeko asmoz
elizondo - Bihar, astelehena, arratsaldeko 16.00etatik 17.00ak arte, Baztan Ikastolako 6. mailako ikasleek azoka solidarioa antolatu dute Xauli elkartearen alde. Azokaren antolaketa EKI izeneko proiektuaren parte da eta Xauli elkartearen eskutik eragindako proposamena aintzat hartu dute ikastolako ikasleek. Haurren eta gurasoen parte hartzea bulkatu nahi dute.
Xauli elkarteak, ezintasun psikikoa daukaten pertsonekin lan egiten du. Larunbatetan aisialdi eta denbora libreko ekintzak egiten dituzte: eskulan, gozogintza, edota dantza tailerrak, ateraldi soziokulturalak eta elkarbizitza lantzeko asteburu bateko irtenaldia egiten dituzte, bertzeak bertze. Xaulin lan egiten duten pertsona guztiak boluntarioak dira, eta egiten dituzten ekintzak burutzeko, materiala erosteko eta lokalaren gastuak ordaintzeko dirua behar dute.
Horretarako, azoka solidarioan, 6. mailakoek egindako eskumuturrekoak salduko dira, bigarren eskuko jostailuak, liburuak eta pintxoak. Lortzen den dirua Xauli elkarteari emango zaio. Salduko diren gauzen prezioa baxua izanen da, salgairik garestienak 3 euro balioko du gehienez. - F.A.G.
Más en Navarra
-
Una pasarela sujetada con tirantes unirá la Txantrea con Aranzadi sobre el Arga
-
Arranca la campaña de participación vecinal para el proceso de transformación de San Jorge
-
Las escuelas infantiles de Pamplona reciben 1.376 solicitudes para el próximo curso
-
'Mi día' de la ONCE deja 3.000 euros en Burlada