Solaslagunek ikasturte bukaera

BORTZIRIAK. Joan den igandean, ikasturteari behar bezalako akabaila emateko, Solaslagunek egunpasa ederra egin zuten, Hondarribiko Mintzalagunekin batera. Denetara, hamasei lagun elkartu ziren. Goizean Lesakako mendietan ibili ziren, Agiña inguruan (argazkian). Txangoa bukatutakoan Etxalarrera joan eta bertako Herriko Ostatuan bazkaldu zuten. Bazkalondo atseginaren ondotik agurtu zuten ikasturtea. Argazkia: utzitakoa