'Baztandarrak Realarekin' peña berria

2021eko abuztuaren 10ean eratu zen ofizialki Baztandarrak Realarekin "Beti Zurekin" peña. Egoitza soziala Antxitonea Trinketean izanen duen peñak 31 errealzale batu ditu bere baitan, eta pasa den asteburuan egin zuten lehenbiziko bazkaria Erratzuko Etxelebert elkartean, peñaren inaugurazio ofizial gisa. Errealak Errege Kopa irabazi zueneko urteurrena ospatzen zela ere gogoratu nahi izan zuten mahaiaren bueltan elkartu ziren errealzaleek.