Alkurruntzen falta zen mugarria berritu dute 500. urteurrenaren harira

Baztango Mendigoizaleek urtero antolatzen duten Baztango XXVII. mendi itzulia eginen da heldu den maiatzaren 29an. Urtero bailarako herri baten inguruan egiten da, eta aurtengoa Amaiurren izanen da, bertan, 1522an izandako guduaren bortzehungarren urteurrenaren harira. Zehazki, Amaiurrek eta Baztanen 1969ra arte, Amaiur Baztanen sartu zen arte, zituzten mugetan barna eginen dute ibilbidea. Dagoeneko izena eman daiteke www.mendizmendi.com orriaren bidez, bertzenaz, egunean berean egiten ahalko da. Honi lotua, Alkurruntzen zegoen eta dagoeneko desagertua dagoen mugarriaren ordez, igandean 1522-2022 data gogoratzeko mugarri berria jarri zuten amaiurtarrek.