TOKIO
Así ha vivido la cuadrilla de Asier Martínez su excepcional 6º puesto
Zirrikituetatik begira

Beharra

14.12.2020 | 01:41
Beharra

ostalaritzak ateak ireki ahal izan ditu, berriz ere, agurtu berri dugun asteburuan. Uholde bat izan da. Zerutik beherakoa, batetik, eta terrazetako aulkiek jasandakoa, bestetik. Beharra. Halaxe hitz egiten entzun ditugu asko eta asko. Beharra zutela, etxetik irtetekoa, tabernan egotekoa€ Bizitzeko beharrezkoak diren zerbitzuen artean, ordea, ez dut uste ostalaritza zerrendan sartuko nukeenik. Sektoreari zor zaion errespetu guztiarekin, ez dut uste gizakiaren askatasun (ez pentsamenduzkoa ez eta mugikortasunari dagokiona ere) berme denik. Beraz, ez dakit oso ondo zergatik erkatzen ditugun gure askatasun beharra ostalari-tzak eskaintzen dituen zerbitzuak kontsumitzeko aukerarekin.

Larunbatean, mandatuak egiten ari nintzela, euriak harrapatu ninduen. Aterkirik gabe atera nintzen, zerua mehatxu alde. Eta auzoko taberna batean sartu nintzen, babesean, zerbait beroa hartzera. Taberna handi samarra izaki, terrazakoez gain, barruko mahaietan eta barra inguruan ere, jendea zegoen. Hauen artean, lau gizonezko heldu, zortzi urte inguruko mutiko batekin, ustez, jolasean. Zangoa buru gainetik nork gorago jasotzen zuen aztertzen ari ziren. Mutikoa ari zen, garrasi batean, neurketa egiten. Eta gizon helduak, mutikoaren esanetara, zangoak sabai azpira igotzen. Bik, jauzi egiten zuten zangoa buruaren gainetik pasatzeko. Beste biek, barra aldameneko hormara igotzen zituzten, hormaren zurian zapatilaren marra beltza nola zikintzen zuten erakutsiz.

Izerditan ari ziren lauak mutikoaren aginduak bete nahian edo.

Handik gutxira, bikote bat sartu zen tabernan eta barran eskatu ondoren, edariak eskuetan zituztela, mahaietako baterako bidea hartu zuten. Gizon helduetako batek, bikotearen mugimenduaz konturatu ez eta, zangoarekin eman zion emakumezkoari. Eta mutikoaren aita zirudienak, barkamena eskatu zien: "Mutikoarekin jolasten ari gara eta€" desenkusatu zen: "Premia genuen guztiok ere€".

Bikote erasotua begira-begira gelditu zi-tzaien eta, egoeraz jabetuta, ez zioten ezer esan.

"Musukoa jantzita ari gara, beti ere" esanez azkendu zuen mutikoaren aita zirudienak.

noticias de noticiasdenavarra