Enpresa txiki eta ertainetan edo enpresetan kontratazio berriei begira prestakuntzarako laguntzak eskatzeko epea ireki da

Nafar Lansarek, Eskubide Sozialetako Departamentuaren menpean dagoen erakundea, martxoaren 18ra arte, formakuntzarako laguntzak eskatzeko epe berriak ireki ditu: bata, beren langileen gaitasunak garatu nahi dituzten ETEentzat eta bestea, kontratazioak egitea aurreikusita duten enpresentzat. Kasu honetan, formakuntza langabezian dauden pertsonei zuzenduta dago, prestatutako pertsonen % 40 kontratatzeko konpromisoa hartuta.

Nafarroan kokatutako ETEetan prestakuntzako 72.250 euroko aurrekontua duten laguntzak enpresen lehiakortasuna areagotzera zuzenduta daude, ezagutza berriak eskuratuz edo lan-taldea berrituz. Arau orokor gisa, NLk gehienez enpresa bakoitzeko 70 ordu finantzatzen ditu, 4.9 eta 6.54 euro arteko parte-hartzaile eta ordu bakoitzeko.Kontratatzeko konpromisoa duten formakuntza-laguntzetarako aurrekontua 200.000 eurokoa da.

Laguntza publikoa 5,5 eta 6,63 euro bitartekoa da, prestakuntza-ordu bakoitzeko eta parte-hartzaile bakoitzeko. Pertsona bakoitzeko 300 orduko mugarekin.Bi deialdietan aurrekontu nahikoa izanez gero, eskaerak aurkezteko epe berriak irekiko dira ekainean eta abuztuan.Bi deialdien laguntzak jasotzeko, eskaerak eta dagozkien dokumentazioa elektronikoki tramitatu beharko dira, navarra.es-en izapideen atalean dauden fitxetan agertzen den ”tramitar” aukeraren bidez. Nahi duten entitatek, eskaerak eta beharrezkoa den informazioa ere NLko bulegoetan (Tomás Caballero plaza, 1, 3. solairua, Iruñean), utz ditzakete.