Gartzainen ospatuko da Haziaren eguna
Larunbatean izanen da, Gartzaingo herria, Ezkaldo elkartea eta Hazitik hozieren eskutik
gartzain - Azken urteetan ohikoa den Haziaren eguna aurten Gartzainen eginen dute. Hitzordua larunbatean, martxoaren 9an izanen da. Aurtengo hitzordua Gartzaingo Ezkaldo elkarteak, Gar-tzaingo herriak eta Hazitik Hoziek elkarteak antolatu dute.
Egitarauari buruz, goizeko 10.30ean herriko frontoian hazien trukea eginen dute eta, horretarako mahaiak paratuko dituzte. Ondotik, 12.00etan Jakoba Errekondoren mintzaldia izanen da, Ezkaldo elkartean.
Orain arte Zigan, Lekarozen, Erratzun, Oronozen eta Elizondon egin izan dute Haziaren eguna. Helburua hazien garrantziari buruzko kezka piztea da, haziei buruzko ezagutza ez galtzea eta belaunaldi batetik bertzera transmititzea. Azkeneko aldietan bezala, aurtengo hitzordua Baztango agroekologia eskola herritarraren egitarauaren barnean gauzatuko da. Agroekologia eskola herritarrari dagokionez, aipatu, apirilaren 12an transgenikoei buruzko solasaldia antolatu duela Hazitik Hoziek. Horretarako Joserra Olarieta Lleidako Unibertsitateko irakaslea eta “Transgénicos, ¿de verdad son seguros y necesarios? liburuaren egilea gonbidatuko dute. Mintzaldia Arizkunenea kultur etxean izanen da. - F.A.G.
Más en Navarra
-
Mesa redonda sobre la especulación en vivienda y los pisos turísticos del Casco Viejo
-
La reforma de accesos y pista de las instalaciones de Ribotas en Tudela costará 48.000 €
-
Adjudicada la reparación de la pasarela del Barrio de la Azucarera de Tudela
-
Las alegaciones al PSIS del TAV plantean mejoras en vivienda