gartzain - Gartzaingo Ariztegi auzoan bestak ospatuko dituzte aste bukaeran, ortziral eta larunbatean. Bihar, 19.00etan erraldoiekin eta gaiteroekin buelta emanen dute auzoan barrena eta 21.00etan Baztan-zopak dastatuko dituzte. Biharamunean, larunbatean, 14.00etan zikiro-jatea izanen dute eta arratsaldez eta gauez dantzaldia Jotatxo disko jartzailearen eskutik. Tartean, 22.00etan parrillada-afaria burutuko dute. - F.A.G.
