Amaiurko ostatua eta aterpea errentan atera dituzte

Berriki herriko ostatua betirako hetsi dute, erretreta hartuta, beraz, herrian tabernari gabe gelditu dira. Hori ikusirik, eta gainera, 2022. urte hau herriarendako hain berezia izaki, Amaiurko Herriak herriko plazan dagoen ostatua eta 40 ohe dituen aterpea errentan ateratzea erabaki du. Herriari bizitasuna emateko helburuz, ostatua eta aterpea kudeatuko duen norbaiten bila ari dira, eta interesa dutenek, maiatzaren 8a arteko epea dute beren hautagaitza jakinarazteko. Baldintzen berri jasotzeko edota informazio gehigarria eskuratzeko 667 63 36 56 telefonora (Itziar) deitu daiteke edo info@amaiur.eus helbidera idatzi.

Errentan hartzeko deialdiaren epea maiatzaren 8an akituko da, eta ostatua eta aterpea ekainaren 1ean martxan izatea da Amaiurko Herriaren asmoa.