Elizondoko Eskola Publikoan Kukuline proiektuarekin buru belarri ari dira lanean azken aldian. Iazko ikasturtean, ikasleek beren proiektuak garatzeko egunerokoan lantzen duten oilategia eta baratzea jarri zituzten martxan, eta maitekiro zaintzen dituzte bata zein bertzea, harrera arras ona izan dutelarik. Hori gutti balitz, Kukuline egitasmoarekin jarraituz, kanpoko espazioan aldaketa batzuk ere izan dituzte, errate baterako, jolasteko eremu bat egin dute, material naturalekin, batez ere egurrarekin. Eta gainera, ikastetxe sarrerako belardian zegoen zuhaitz bat eri zegoela eta moztu behar zenez, bere enborrean oilar bat zizelkatzeko aprobetxatu dute, emaitza ikusgarria lortuz.
