arantza - Bertze hainbat udaletan egin duten bezala, Arantzakoa ere Metrobaserri proiektuan sartua da. Larrialdi kasuetan medikuak, suhiltzaileak eta orohar zerbitzu publikoak baserrietara ahalik eta agudoena ailegatzeko pentsatua da Metrobaserri. Herritarrei egitasmoa zuzenean esplikatzeko bilerak izanen dira asteazken arratsaldean: 18.00etan Eguzkialdea eta Bordalarreko auzotarrekin bilduko da eta 18.45ean Aientsa eta Azkilarreko auzotarrekin. - A.A.A.