Zirrikituetatik begira

Biolentzia

10.04.2021 | 00:54
Biolentzia

meme hau ikusi dut Interneten: soldadu sobietar bat besoa luzaturik granada bat jaurti-tzen. Oinak zera zioen: "Soldadu sobietar bat biolentzia erabiltzen nazien kontra Stalingradoko batailan". Grazia egin dit, baina gaur gure artean gertatzen ari dena islatzen du. Telebistako tertuliakideen iritziak entzuten ditudanean, ematen du biolentzia erabiltzea inoiz ez dela zilegi, ez eta kasu muturrekoenetan ere. Asmatu egiten du memeak galdera modu ironikoan egin eta tertuliakide horien guztien iritzia zalantzan jarrita. Patxi Zabaletak ohi duen argitasun eta borobiltasunez ebatzi du Julen Madariagaren herio-tzaren harira Euskadi Irratian egin dioten elkarrizketan: Julen Madariagaren ETA sortu eta "biolentzia erabiltzeko" hautua zilegi izan zen diktadurapean bizi zelako Euskal Herria.

Kontua da Espainiako Erresuma ETAren jardunaren kontra sortu mugimenduaren ondorioz biolentziaren aurrean txertaturik dago, eta horrek edozein biolen-tziaren arbuioa dakar berez. Baina horregatik bakarrik? Espainiako Erresumara zorioneko demokrazia iristeko moduak ere asko ikusteko dauka nire ustez, iritsi aurreko erregimenaren herentzia moduan iritsi baitzen, hark ezarritako debeku eta parametroen baitan: biolen-tzia bat zilegi izan da, Frankoren Altxamendua Bigarren Errepublikaren desastrearen aurrean nazioaren gainbera eteteko, eta haren kontrakoa, ETArena esaterako, ez da zilegi izan. Hori da gelditu den errelatoa, eta errelato horri eusten dio zoritxarrez estatuko iritzien erdiguneak. Baina hala irakurri beharko genuke? Nik uste dut ezetz. Angela Merkel bezalako andre erradikal batek, ironiaz diot, omendu zituen Hitlerren kontrako atentatu bat egiten saiatu ziren militarrak "hainbat unetan desobedien-tzia derrigorrezkoa da" laburbildurik. Erdigunean kokatzen den tertuliakide horietako batek zera zioen Voxeko mitinean sortutako istiluen gainean: Vallecaseko gazteak ez zireneskolara joan alkandora arreen inguruko ikasgaia eman zuten egunean. Horrekin adierazi nahi zuen faxismoari aurre eginik faxismoa indartzen dela, egin beharrekoa ez ikusiarena dela iradokiz. Ez dut uste. Beharbada Vox muginendu txikia zenean hori izan zitekeen taktika baina dagoeneko ezin zaio Voxi ez ikusiarena egin. Gehiegi eta handiegi dira. Dinosaurioak hor jarraituko du esnatu ondoren.

Más información

noticias de noticiasdenavarra