Bidasoa gure ibaia

Bidasoa ibaia Baztango Autza mendian jaiotzen da. Endarlatsaraino, Nafarroako lurretan bere ibilbidea egiten du eta gero Kantaurin itsasoratzeko Autzan, iturburuan, Baztan izena du eta Oronotz-Mugairin Bidasoa izena hartzen du. Horregatik, gure harana Baztan-Bidasoa deitzen da.

Gure ibaiaren bidea ez da batere xamurra, hasieran malda malkar-tsuak eta bihurguneak ondotik. Inguruko hainbat erreken ur isuria dela medio, Bidasoa ibai emaritsua da. Ur hauek izokinek hagitz gustukoak dituzte, izan ere, itsasotik etortzen dira arraultzak paratzera. Hori bai, lehenagotik izoki emeak, errekako bazter bat egokitzen du harriak kenduz eta lurra landuz. Arra, berriz, emearen ondoan ibiltzen da, honek arraultzak paratu ondotik ernaltzeko. Izoki bikoteak, ernaldutako arraultzak hondarrez estaltzen ditu inguruko etsaietatik babesteko. Izokinek badakite euren arraultzek hainbat arrisku izaten ahal dituztela. Guk batzuk aipatuko ditugu: amurrainei eta aingireri aunitz gustatzen zaizkie izokinen arraultzak eta uholdeek ere arrisku handia sor-tzen dute, ibaieko urak aunitz handitzen baitira.