Irakurgaien txokoa MARA ASTRONAUTA Izenburua: 'Mara eta izar-saltzailea'. Idazlea: Maribel Aiertza. Marrazkilaria: Ainara Azpiazu. Orrialdeak: 64. Argitaletxea: Ibaizabal. Bilduma: Matxinsalto. Gomendioa: 8 urtetik aurrera

Marak gauero hitz egiten zuen izarrekin, baita ilargiarekin ere. Gau batean, ilargiaren zilarrezko malko potoloa erori zen Mararen buru gainera eta bihotzean eman zion min. Arazo larria zuten izartegian. Haiei laguntzeko Star misioa antolatu zuen Marak. Zer gertatzen ote zitzaien izarrei eta ilargiari? Lortuko ote zuen Marak haiei laguntzea? Egilearen datuak. Maribel Aiertza, Idazle Eskolako lehen promozioko ikaslea da (2002-2005).

Sariketetako argitalpenetatik at, bi liburu ditu argitaratuta: Lertxundi, euskaradun arte unibertsala saiakera, 1989an Argitalpen Hoberenaren Euskadi saria jaso zuena eta Tigreak hondartzan eleberria (Elkar, 2010).