Donostiako Udalak eta Iberdrolak ibilgailu elektrikoaren erabilera sustatzen dihardute
Bi alderdiek erabaki dute bateria kargatzeko bost estazio jartzea horietako bi azkarrak, eta gainerakoak lurpeko aparkalekuetan
Donostia- Donostiako Udalak eta Iberdrolak elkarrekin lan egingo dute mugikortasun jasangarria sustatzeko; horretarako, ibilgailu elektrikoa kargatzeko bost estazio jartzeko hitzarmena sinatu dute gaur. Horietako bi karga azkarrekoak izango dira (50 kW), eta hiriko bi puntutan egongo dira jarrita (Federico Garcia Lorca pasealekua eta Igarako aparkaleku publikoa); gainerako elektrolindegiak, berriz, lurpeko aparkalekuetan egongo dira. Denetan kargatu ahal izango da bateria doan, urtebetez.
Akordioa Eneko Goia Donostiako alkateak eta Iberdrolaren iparraldeko merkataritza ordezkari David Martínezek sinatu dute, eta 2020ko abenduaren 31 arte egongo da indarrean. Hortik aurrera, automatikoki berrituko da.
Hitzarmenaren arabera, Udalak hiri lurzorua utziko dio Iberdrolari, bi karga puntuak jarri ahal izan ditzan, eta ekipoak funtzionamenduan izateko azpiegitura lanak ere egingo ditu.
Iberdrolak, berriz, ekipoak jarriko ditu, eta horiek instalatu eta kudeatzeaz arduratuko da hitzarmena indarrean den bitartean; horrez gain, lehenengo urtean, haren kontura izango da estazio horietan ibilgailu elektrikoak kargatzeko behar den elektrizitatearen kostua. Erabiltzaileek, hala, auto elektrikoen bateria % 100 berdea den energiaz kargatuko dute; hain zuzen ere, energia hori sorkuntza garbiko iturrietatik ekarria izango da, eta jatorri berriztagarria bermatzeko ziurtagiria ere izango du.
INFORMAZIO OHARRA
Bestalde, Iberdrolak karga estazioak ondo erabiltzeko informazioa eta aholkuak emango dizkie taxilariei nahiz Udalari lotutako zerbitzuetako langileei, hala eskatuz gero.
Más en Sociedad
-
La II edición de la fiesta solidaria por el cáncer infantil será el 8 de septiembre en Berriozar
-
Hospitalizado por un brote psicótico Conde-Pumpido hijo tras un altercado en Mediaset y dar positivo en un test de drogas
-
Toman posesión dos nuevas letradas de la Administración de Justicia destinadas en Estella - Lizarra
-
Una manifestación recorrerá las calles de Pamplona el 18 de mayo reclamando "la libertad de Palestina"