San Sebastian eguneko bandera igoera eta jaitsiera ikusteko zozketan izena emateko epea gaur bukatuko da

DONOSTIA. Donostiako Udalak jakinarazi duenez, aurreko urteetan egin izan den moduan, 50 donostiar horiek zozketa publiko baten bidez erabakiko dira. Zozketa urtarrilaren 8an egingo da, 18:00etan, Udalbatza aretoan. Udalinfo zerbitzuan (bulegoetan eta 010 telefono zenbakian) eta Donostiako Udalaren web atarian (www.donostia.eus) eman ahako da izena, ostirala arte.

Zozketan parte hartzeko baldintza batzuk daude: adinez nagusi izatea eta Donostian erroldatuta egotea. Gainera, sarituek ezingo dute igoera eta jaitsieraren artean aukeratu, baizik eta, zozketan ateratzen diren lehendabiziko 25 zenbakiek banderaren igoera ikusiko dute eta gainerakoek banderaren jaitsiera. Zozketan sarituak direnek urtarrilaren 14an jasoko dituzte gonbidapenak, eta jasotzeko NAN eskatuko da.

Era berean, 36 donostiarrek urtarrilaren 20ko haur danborrada udaletxeko balkoitik ikusi ahal izango dute (zozketan 18 aukeratuko dira eta bakoitzak lagun bat gonbidatu ahal izango du. Adinez nagusi izatea eta Donostian erroldatuta egotea dira baldintzak, eta, kasu honetan, zozketan parte hartzeko izena emateko epea larunbatean itxiko da, urtarrilaren 5ean. Zozketa urtarrilaren 8an egingo da, udalbatza aretoan.