irailaren 3tik 8ra

Pabellón 6 Euskaldunara itzuliko da, "Ocaña" antzezlanarekin

10.02.2020 | 01:54
Pabellón 6 Euskaldunara itzuliko da, "Ocaña" antzezlanarekin

BILBO. Euskalduna Jauregiak 'Ocaña' antzezlana jasoko du irailaren 3tik 8ra. Margolari sevillarra, borroka politikoarekin eta errebindikazio homosexualarekin konpromisoa erakutsi zuen gizona izan zen. Unai Izquierdok idatzi eta María Goiricelayak zuzendu duen antzezlanak, frankismoaren kontrako erresistentziaren eta XX. mendeko 70eko hamarkadan performance ausarten protagonista izan zen margolaria (1947-1983) omentzen du.

Antzezlana gaur goizean aurkeztu da prentsa aurrekoan. Ekitaldian, Unai Izquierdo, Itziar Lazkano, Diego Pérez eta Mikel Losada antzezleak eta María Goiricelaya zuzendariak hartu dute parte.

SINOPSIA

Istorioa 70eko hamarkadako Bartzelonan dago girotuta. Diktadura frankistaren azken urteak. José Pérez Ocaña margolari sevillarra borrokan ari da, bere margolanak azaleratzeko eta mundua aldatzeko. Lotura estua zuen borroka politikoarekin eta errebindikazio homosexualarekin, eta oihartzun handiko ekintzak egin zituen Kataluniako hiriburuko Ranblatan. Pertsonaiak bere azalean jasan zituen inoiz ulertu ez zuen gizartearen maitasun eza eta mespretxuak. Orain, Ocañak bizia berreskuratu du, izan ere, antzezlana, beti kontatu behar izandako istorioa da.

SARRERAK

Sarrerak salgai daude jada www.euskalduna.eus webgunean, Jauregiko txarteldegietan eta Kutxabank kutxatiletan.