irurita - Baztango udaleko kultura batzordeak antolatuta, Nafarroako Gobernuko 2019ko Arte eta Kultura programaren baitan, igandean, otsailaren 17an, Lesakako Mairu Antzerki Tailerrak Txoriak eta zauriak helduendako antzezlana eskainiko du Iruritako Gizarte Bilgunean. 19.00etan hasiko da emanaldia, eta ohiko gisan, sarrera doan izanen da. Mairu Antzerki Tailerreko kide Gaizka Sarasolak sortutako lanean, 1940an Lesaka eta Oiartzun arteko errepidean behartuta lanean aritu ziren frankismoko bi preso dira protagonistak: Juan Cabrero Riero (Santa Cruz, Toledo) eta Isabelo Sanchez Alonso (Magan,Toledo) ikazkina bata, eta musikaria ber-tzea. Ihes egitea lortu eta basoren batean ezkutuan bizirautea lortu dute gaur arte. Ramona anderearen konpliziatearekin ekosistema propio bat eratzera iritsi dira; baina ez ohiko gertaera batzuek beraien mundu itxia aztoratuko dute. - F.A.G.
