Talde seniorra mantentzea lortu du BRT-Menditarrak errugbi taldeak

elizondo. BRT-Menditarrak talde seniorrak lehiatzen jarraituko du aurten ere, azken hilabeteetan jokalari faltagatik taldearen jarraipena kolokan egon ondotik. Aurtengo sasoiari begira ligari guttieneko bermearekin ekiteko jokalari nahikorik ez zuela eta larrialdi deia zabaldu zuen, eta jendeak erantzun du. Jokalari berriak eta lehenago jokatutako batzuk batu dira taldera, 20-25 jokalari guztira, eta duela egun gutti egindako bileran, taldearen konpromisoa baloratuta, erabaki dute aurten ere ligan lehiatuko direla. Talde teknikoari begira, Xabi Urrutia arduratuko da alderdi fisikoaz, Peio Obregozok izanen du arlo teknikoaren ardura eta Mariano Iribarren batuko zaie entrenatzaile lanetara. F.A.G:/Argazkia: BRT