bera. Illekueta auzoko etxeei, bere izena eta eraikitze-data agertzen duten errotuluak paratu dizkiete egunotan. Euskara Batzordeak sustatu du ekimena, Pello Iratzokik auzoko etxeen izen bilduma aurkeztu ondotik. Ekimenak bi helburu ditu: galtzear diren etxe izenen erabilera bultzatzea, eta etxe izenen idazkera zuzena bultzatzea. Horretarako Andres Iñigo euskaltzainaren gomendioei jarraitu zaie. Etxeetako jabeekin harremanetan paratu ondotik, azkenean 31 etxetan paratu dira errotuluak. Udal langileak arduratu dira lan horretaz, auzoko besten aitzineko egunetan. Etxe izenaz gainera, urtea ere badakarte. Egitasmoari segida emateko asmoa dute, ahal dela herri osora zabalduz. Argazkiak: utzitakoak