Emakumeen Eguneko Mendi Itzulia Igantzin eginen dute aurten

igantzi - Emakumearen Nazioarteko Egunaren harira, Bortzirietako emakumeen VI. mendi itzulia eginen dute Igantzin martxoaren 8an, Oinarrizko Jendarte Zerbitzuen Mankomunitatearen laguntzarekin. Igande goizeko 9etan dute hitzordua Udaletxe parean eta mendi buelta egin ondotik, 13:00etan elkarretaratzea eginen dute. 14:00etan bazkaria izanen dute La Villa jatetxean. Bazkarirako aurretik eman behar da izena 948 635036 telefono zenbakian eta 18 euro ordaindu beharko da. - A.A.A.