Munduz mundu, mendez mende

atarrabia. Dakizuen bezala, 2010.urtea Paz de Ziganda ikastolaren urtea izango da arrazoi desberdinengatik: 40 urte sortu zela ospa-tzen duelako eta 30. Nafarroa Oineza antolatuko duelako. Hori horrela izanik, izenburuko hitz horiek behin eta berriz entzungo dituzue urtean zehar; beraz hitz gutxitan beren esanahia azalduko dizuegu.

Logoak eta lemak bat datozte, eta haien gakoa mundua da. Munduak hainbat herrialdetan dauden kulturak eta hizkuntzak laburbiltzen ditu, unibertsaltasunari erreferentzia eginez eta modernitate eta etorkizunarekin erlazionatuz. Euskal Herritik atera diren hainbat bidaiariek euskara edonon eta edonoiz indarrean mantendu dute, azken batean euskara nortasun ikur bat delako. Globoa globalizazioan zehar doan garraiobide ekologikoa da, besteak errespetatzen dituena, eta errespetua merezi duena.