abenduaren 21era

Laburbira zirkuiturako film laburrak proposatzeko epea ireki da

07.02.2020 | 19:54
Laburbira euskarazko film laburren zirkuituak 15.edizioa du aurten.

BILBO. Azken lau edizioetan bezala, 16. Laburbiran ere deialdi zabala  egin du Topaguneak, film laburrak euskaraz egiten dituzten sortzaile  guztiek izan dezaten aukera zirkuiturako euren lanak aurkezteko. Hain  zuzen, horixe da zirkuituaren helburu nagusia: sortzaileen lanak  ezagutaraztea, euskaraz ekoizten jarrai dezaten aukera emanez eta  ikusleei berton sortutako zineaz gozaraztea.

Euskaltzaleen Topaguneak "euskarazko ikus-entzunezkoen  aniztasunaren erakusleiho" izan nahi du, sortzaileei bultzada eman  eta publikoari egiten dutenaren aberastasunaz jabearazteko. Ildo  horretan, Laburbiraz gain, Topaguneak beste hiru egitasmo antolatzen  ditu horretarako:Benito Ansola Saria, Durangoko Azokako Irudienea  gunea eta Kameratoia.

Horrela, Laburbiraren 16. edizioa 2019ko martxoaren 18tik  apirilaren 17ra izango da. Oraindik zehaztu gabe dago zein herri  bisitatuko dituen, hori Laburbiran parte hartu nahi duen  euskaltzaleen mugimenduko elkarte kopuruaren arabera izango baita.  Iaz 29 herritan zehar ibili zen zirkuitua, zortzi film labur  erakutsiz.

Horrela, abenduaren 21era arte aurkeztu ahal izango dira lanak  leire@topagunea.eus helbidera bidaliz. Filmek euskaraz egindakoak  izan behar dute, 2016etik hona ekoitzitakoak, fikziozkoak eta 18  minututik beherakoak.

Interesatuek, honakoak bidali beharko dituzte: sortzailearen  datuak eta aurkezpen laburra (4-5 lerrotan bere ibilbidea, argazki  eta guzti), filmaren sinopsia eta fitxa teknikoa, eta filma bera,  euskarri digitalean.

Urtarrila erdialderako aukeratuko dira herriz herri eskainiko  direnfilm laburrak, eta aukeraketa egiterakoan zenbait irizpide  izango dira kontuan: publiko guztientzako lanak izatea, sortzaile  berrien eta izen handikoen arteko oreka, sortzaileen lurralde eta  genero aniztasuna,genero ikuspegia eta filmen bestelako ezaugarriak  (euskalki aniztasuna, umorea, animazioa, lan esperimentalak edo  sentsibilizazioa lantzen dutenak).