Orakunderen ondotik, inauteriek jarraipena izan zuten ortzirale honetan Elizondon. Goizean goiz, hamarnaka mozorro, hartzarekin auzoz auzo eskean abiatu ziren, eta hala ibili ziren ilunabarrera arte. Arratsaldean, aldiz, ikasle, irakasle eta gurasoek ohiko desfilea burutu zuten karriketan barna. Haur Eskolako eta Elizondoko Eskola Publikokoak nahi bezala mozorrotu ziren, gai librean, Baztan Ikastola udal Eskola Publikokoek aldiz, kontrabandoaren gaia jorratu zuten beren mozorro eta kantuen bidez. Gero txokolatesnea banatu eta Hauspolariek taldearekin dantzaldia izan zen. Ilunabarrerako, aldiz, dozenaka lagunek parte hartuko zuten danborrada antolatua zegoen.
