azpilkueta - Ortziralean abiatu zituzten Azpilkuetan herriko bestak, eta besten erdia igarota, gaur San Fermin eguna ospatuko dute. 11.00etan meza izanen dute eta ondotik luntxa. Gazteen bazkaria izanen da gero, eta bazkal ondoan, jokoak izanen dituzte. 18.00etan erraldoiak karriketan barrena ibiliko dira eta eguna borobiltzeko, Mariachi Los Gavilanes taldearen musikaz gozatzeko aukera izanen dute. Bihar zikiro-jatea izanen dute eta Fidel akordeolariaren doinupean kantu eta dantza ariko dira, gaixoa ni kantatu arte. - F.A.G.