Errotxapeako Gaztetxearen aldebi hitz

11.09.2021 | 00:51

Urte batzuk dira Errotxapeako gaztetxea ibilbide bat hasi zenetik, ordutik asko izan dira bertatik pasatako pertsonak, proiektuak eta ametsak; auzoari ezinbesteko ekarpena eginez.Gaztetxea bezalako gune autogestionatuak ezinbestekoak dira auzo bizi eta anitza eraikitzeko eta gure bizitzen jabe izateko. Merkatuaren legeetan eta irizpide misoginoetan oinarritzen diren azpiegitura publiko eta pribatuen aurrean, Errotxapeako Gaztetxean, ikastaroak, ikuskizunak, autodefentsa tailerrak, kontrainformazio guneak, jaialdiak, etab. antolatu izan dira. Hala nola, bizi dugun sistema espekulatzaile eta ustel honi aurre egiteko arnasguneak sortuz, antolakuntza eta elkarguneak sendotuz, eta gaur dugun sistema kapitalista eta heteropatriarkala guztiz arrakalatuz.Gaztetxea beharrezkoa dela uste dugu, gune asanbleario eta horizontalak izateko pausuak ematen dituelako eta sistema patriarkalari ere hausturak eragiten dizkiolako. Egun hauetan poliziaren aldetik bizi izandako errepresio basatia eta neurrigabea onartezina da. Argi adierazten dugu ez dugula gure kaleetan indar polizialik nahi! Horregatik guztiagatik, gure babesa eta elkartasuna adierazi nahi diogu auzoko gaztetxeari eta gazteei eta egun hauetan izango diren mobilizazioen deialdiak berresten ditugu. Adreiluzko paretetatik haratago, gure ilusioak eta ametsak ez dituztelako errepresioarekin akatuko! Errotxapeako Gaztetxea bizirik!

*Las autoras forman parte de Errotxapeako Talde Feminista

noticias de noticiasdenavarra