Txikiak sukaldari

Aurten, Martikoren 30. urteurrena ospatzeko, Bor-tzirietan, pintxo lehiaketa bat antolatu dute. Pintxoa martikoko produktu eta barazkiekin egin behar zen, baita ere, pintxoari argazkia atera, taldekoen argazkia atera eta denen artean paper bat bete beharra zuten. Paper hartan pintxoaren izena, taldekoen izena... agertzen ziren. Horretarako, Basque Culinary Center eta Berako Lurraren Eguneko antola-tzeileekin kontaktuan jarri ziren partehar-tzaileak. Pintxo lehiaketa hau hainbat kategoriatan banatua zegoen: 10/12 urte, 12/14 urte eta 14/16 urte.

Kategoria bakoitzetik 3 talde ailegatu ziren finalera. Basque Culinary Center-en jokatu zen. Arantzatik 4 taldek hartu zuten parte, haietako bi talde DBH- ko ikasleak ziren eta beste biak 3. zikloko ikasleak ziren. Lau talde horietatik 3.zikloko talde bat ailegatu zen finalera, 10/12 urtekoen kategorian, noski. Talde horretan 4 mutil zeuden: Suharri eta Oskitz Madariaga, Gaizka Zulaika eta Mikel Izagirre ziren. Bortziriko herri guztietatik aurkeztu zen norbait, baina, Arantza, Lesaka eta Beratik bakarrik ailegatu ziren Basque Culinary Center-era. Taldeak gutxienez 3 pertsonakoak ziren, eta gehienez 5 pertsonakoak. Irabazleak Berako lurraren egunean pintxoak egin eta eskeiniko dituzte borondatearen truke. Irabazten duten dirua beren eskolarako izango da. Gainera, irabazleak Basque Culinary Centerren sukaldaritza ikastaro bat irabazi dute han ikasteko. A zer pagotxa!

Finala jokatzera joan zirenean Basque Culinary Center-era, jokalariekin batera, parte hartzaileak eta jokalarien gurasoak joaten ahal ziren bisita gidatu batera. Bisita gidatua ematen zuten bitartean, jokalariak ordu eta erdi zuten hiru pintxo prestatzeko hiru epaileren-tzat. Arantzako taldea 10/12 urteko kategorian hirugarren gelditu ziren. Hiru postu zeuden eta hirugarrenean Arantzakoak gelditu ziren. Beratarrak berriz, arrakastatsu izan ziren, hiru kategorietan lehenengo beraiek gelditu ziren.. Diploma bat eman zieten denei, bertan, eskerrak ematen zizkieten parte hartzeagatik eta beraien izen abizenak jar-tzen zizkieten. Gainera, parte hartu zuten guztiei, pintxoa egiteko janaria ekarri zieten eta janariarekin batera mantal polit bat opari. Esperientzia bikaina izan da sukalderako gogoa eta interesa pizteko guregan!