Abenduaren 3an Nafarroaren Eguna eta abenduaren 4ean Euskararen Eguna ospatzen direla-eta, zenbait ekitaldi antolatu dira larunbatean eta igandean Lesakan. Honela, larunbatean 13:00etan Doneztebeko Mendi Abesbatzak emanaldia eskainiko du Herriko Etxeko pleno aretoan, Nafarroako Gobernuak Lesakako Udalaren laguntzaz antolatutako ekitaldian. Iganderako ekitaldi berezia antolatu du Arrano elkarteak. Donostia kantuz taldearekin eta parte hartu nahi duten guztiekin. 12:00etan Mikel Laboa eta Xabier Lete gogoan izenburupean kantaldia eginen da Agiñan, bi abeslari hauen zenbait kanta abestuz. 13:00etan herrira jautsi eta karrika buelta kantuz eginen da, Arranotik abiatuta.
