elizondo - Bulkada berrien garaia da lelopean, goizetik hasita arratseko ordu ttikiak arteko egitarau zabala antolatu du Ernaik, gaur Elizondon burutuko den Mendialdeko Bulkada Egunerako.
12.00etan abiatuko da eguna, Arizkunenea Kultur Etxean burutuko den Eskualdeko belaunaldi ezberdinak izenburupeko mahai-inguruarekin. 13.00etan ostatuz ostatu bertsopoteo desafioa eginen dute Leitzako Joanes eta Xabat Illarregi anaien eta Lesakako Maddi Ane eta Josu Txoperena anai-arreben artean. 14.30ean Antxitonea trinketean herri-bazkaria izanen dute eta ondotik kantaldia. 19.00etan, Elizondoko karriketan barrena karropoteoa eginen dute eta arratsean 23.00etatik ai-tzinera Iriarte pilotalekuan segituko du bestak, Sofokaos eta Herdoil taldeen kontzertuarekin eta DJ Map-Hrekin. Tartean, gaztetxean bokatak eskainiko dituzte. - F.A.G.
