BILBO. Gaur gauean estreinatuko da “De Caperucita a loba en sólo seis tíos” Euskalduna Jauregian.Pertsona bakarreko ikuskizuna da, zuzendaria, antzezlea eta gidoilaria den Marta González de Vegak egindakoa.
Azken garaietako bakarrizketa arrakastatsuenetakoa da. Bertan, González de Vega telebistako antzezle eta gidoilariak, laurogeita hamar minututan, ikus-entzuleen barreak eta algarak eragiten ditu, harremanen munduari buruzko gogoeta eginez.
Zer egin behar da “Txanogorritxo” izatetik “Otseme” izatera pasatzeko ahaleginean hil barik? Marta González de Vegak oso ondo ikasi du lezioa. Harremanen munduari buruzko oso azterlan zorrotza egin du, saiakeraren eta narrukoaren metodo ezagunean oinarrituta. Eta, narruko askoren ondoren, maitasunaren ondorengo patetismoa gainditzeko modurik onena barrea dela konturatu da. Bere iritziz, maitasunean denok funtzionatzen dugu berdin, modu berean patetikoak gara eta, ondorioz, egoera horretaz gozatzeko modu bakarra, esamolde hau aplikatzea da: “Barre egiten azkenak? denbora bikaina galdu du”.
Bere emanaldian, González de Vegak behin eta berriro aipatzen ditu Eduardo Punset eta haren ‘El viaje al amor’ liburua. Bertan, idazleak, maitasuna, maitasuna baldintzatzen duten gauzak eta faseak ulertzeko oinarri zientifikoak aurkezten dizkigu: osagai genetikoa, desio sexuala, kimika eta imajinazioa, bikotearen aukeraketa, guraso konpromisoa, maitasun falta? Hori da, hain zuzen ere, bakarrizketaren arrakastaren arrazoietako bat. Barregarria eta trebezia handiz kontatua izateaz gain, egile eta antzezlearen teoriek oinarri zientifikoa dute. Horrela erakusten dute Punseti buruzko etengabeko erreferentziek eta antzezleak egiten dituen ‘Redes’ saioko aurkezle ezagunaren imitazio dibertigarriek.Stand Up Comedy izenekoa, antzerkia eta genero musikala uztartzen dituen pertsona bakarreko ikuskizuna da. Bertan, protagonista, Txanogorritxo izatetik Otseme izatera pasatzen ikusiko dugu. Emakumearen buruak dituen sekretu ulertezinak ezagutzeko ikuskizuna.
Ia lau urte kartelean
Show-a 2016ko urriaren 11n estreinatu zen. Ordutik arrakasta handia lortu du ikus-entzuleen eta kritikaren aldetik. Lehenengo denboraldiari “Sarrerak agortuta” kartelarekin eman zion amaiera, eta Atrapalo webgunean ikus-entzuleek ematen duten sailkapen gorena du, “Extraordinario”.Madrilen ia laurehun emanaldi eman ditu hiru denboralditan, eta urrian laugarrenarekin itzuliko da.
