BERA - Altzateko bestak ospatuko dituzte asteburuan, beti bezala, egitarau zabalarekin. Ortziralean 20.00etan txupinazoa eta karrikabuelta erraldoi, buruhandi eta txistulariekin. 22.00etan suzko zezena. 22.30ean kontzertua Katakuko terrazan Balerdi Balerdirekin.
Larunbatean, 10etan, plater tiraketa. 11etan, Gure Txokoa eta Beti Gazteko beteranoen arteko futbol partida Matzadan, Eman Bortzekoak antolatua. 11.30ean, karrikabuelta. 12etan, II. Ibardingo Igoera Rallya Ilargi Sport eskuderiak antolatua. Errepidearen itxiera, ondorioz. 14.00etan, lasterketa hasiera. 14.30ean auzo bazkaria Uraldea karrikan. 18.00etan poteoa batukadarekin eta 19.00etan Rallyko sari banaketa Xugako atarian. 22.00etan Foisis Jaunak taldearen kontzertua Katakun.
Igandean, 11etan, haur jolasak Azoka plazan. 12.30ean euskal dantzak Altzateko plazan. 18.00etan funky dantza ikuskizuna. 20.00etan bonba japoniarrak. Ondoren, zozketa. - A.A.A.
