Ezker Abertzalearen buruaren azken adierazpen publikoei jarraitzeko ez litzaiguke gaizki etorriko aldibereko itzultzaile eraginkor bat izatea, haren esku-hartzeetan erakusten duen demagogiatik diskurtso ulergarri batera igaro ahal izateko, probokaziotik urrun, bere helburu nagusia zalantzarik gabe. Hain zuzen ere, hartzen duen jarrera ziniko eta gogogabekoak ere ez baitu laguntzen. Adibidez, nola erantzun gidoiaren azken birari ‘Euskadirako polizia-eredu berri bat’ aldeko haren aldarrikapenean?

Ea ba... Otegi, duela urte batzuk jada, hurbileko polizia-eredu bati buruz hitzegiten hasi zen, bobby britainiarren estilora joz, Hala ere, haien deskribapenaren arabera, Benny Hill-Show deskribaezin batetik zuzenean ateratakoak ziruditen. Geroago ‘guk ez dugu Ertzaintza gorrotatzen’ edo ‘ez dugu poliziarik gabeko Euskal Errepublika bururatzen’ iritsi zen, Gazte Koordinadora Sozialistatik -Ezker Abertzaleko alaba diskoloa- urruntzeko ahalegin hutsalean, ERNAIk, bere txakurkume ofizialek, espraia eta poetika berreskuratzen zituzten bitartean, hau da, mehatxua eta ZIPAIO leloa, Segurtasun Sailburua-, Ertzaintza- eta Udaltzainaren aurkako erasoak areagotuz. Eta, gure Arnaldoren aldetik, ezta gaitzespen-hitzik ere. Onartu behar dut ere, jatorrizko Ertzaintzaren espiritua beretzat aldarrikatzea -demokratikoa, euskalduna eta herri honen zerbitzura (sic)- ez nuela etortzen ikusi. Orain modernizatu egin zaigu, hotzetik datozen polizia-telesailen baldintzarik gabeko zale bere buruari aitortuz, zeren iparraldeko lurralde horietan uniformedunak, dirudienez, ez baitira kolpekari-errazekoak eta, iribarrez, gureek kontuan har dezatela azpimarratuz.

Otegi ez da probokatzaile bat soilik, etikarik eta gizalegerik gabeko tipo bat da ere. Orain oso berritsu agertu arren, Ertzaintzako gizon-emakumeak gorriz markatuta zeudelarik diana terroristan hainbat hamarkadatan ETAko pistolarien aurrean mutu egon zena bera izaten jarraitzen du. Testuinguru honetan, benetan, inongo proposamena leialtzat jo al daiteke?