Baztan Kantuz ekimenaren lehen hitzordu arrakastatsua Amaiurren

amaiur. Hotza egin arren, kuadrilla ederra elkartu zen igandean Amaiurren Baztan Kantuz ekimenaren estreinako saioan. Eguerdian zen hitzordua bertako plazan, eta Baztango herri desberdinetatik 70 lagun inguru bildu ziren, tartean musikariak. Gogotsu ekin zioten denek euskal kantuen doinuen berotasunean Amaiurko karrikak berotzeari, eta giro ederrean burutu zuten lehenbiziko Baztan Kantuz ekimen kantaria. Lehenbizikoa bai, baina ez da azkena izanen, izan ere, Baztango Kultura Batzordeak sustatutako Baztan Kantuz ekimena hilero burutuko da, hilabeteko hirugarren igandean. Herriz herri ibiliko da, eta hurrengo hitzordua otsailaren 16an izanen da Elizondon. F.A.G./Argazkiak: Ondikol