Auzoko zuhaitzetan abisua jarri eta auzolana (edo beti errankatu duten bezala, pagina) egin zuten larunbatean Berako Eltzaurdia auzoan. Bide bazterrak sasi, lur eta belarrez garbitu zuten bizilagunek, urtero egiten duten bezala eta garai honetan, seguruenik bertze zenbait auzotan ere eginen duten bezalatsu. Erdi broma, erdi serio, udalak eskainitako merienda espero zutela ere aipatu zuten, baina ez zen halakorik izan. Hori bai, lana gogotik eta ongi egin izanaren pozarekin bueltatu ziren etxera.
